قصة علم لبنان اللي وصل على القمر
انطلق أبولو 14 بـ31 كانون الثاني 1971من مركز كينيدي للفضاء بفلوريدا.
علم لبنان وغير اعلام كانوا على متن المركبة ورجعوا على الأرض بعد 10 ايام.
كان في 25 علم ل لولايات المتحدة، واعلام ولايات واقاليم، واعلام كل اعضاء ا لأمم المتحدة ، ومنبينن علم لبنان بحسب متحف الطيران والفضاء الوطني .
ابولو 14 هو ثالث هبوط مأهول على سطح القمر من بعد المهمّة ابولو 13 الملغيّة والمشهورة بـ "هيوستن، لدينا مشكلة".
أعضاء ابولو 14 هنّي ستوارت روزا، وإدجار ميتشيل وألان شيبارد، اللي كان اول مواطن اميريكي بسافر على الفضاء سنة 1961.
قدم شيبارد العلم اللبناني للجمعية العامة الـ26 للأمم المتحدة بـ20 كانون الأول 1971 بنيو يورك.
لعب غولف على القمر بهالمهمة، الرياضة الأولى والوحيدة اللي انلعبت على سطح القمر.
View on Instagram
اول رحلة انسانية على سطحح القمر هي ابولو 11 اللي وصلت بـ20 تموز1969.
بوقتها قال نيل ارمسترونج جملته الشهيرة "هيدي فشخة صغيرة للإنسان بس فشخة كبيرة للبشرية" وزرع علم الولايات المتحدة على القمر لأول مرة.
View on Instagram
بحسب موسوعة رواد الفضاء، افاد مركز لندون بي جونسون للفضاء بان "136 علم من غير بلاد، وعلم الأمم المتحدة وعلم عن كل ولاية واقليم لل ولايات المتحدة كانوا على متن ابولو 11".
بما انو لبنان هو احد ا لبلدان الـ51 الأساسية اللي اسسوا الأمم المتحدة ، معقول يكون العلم اللبناني طلع على القمر من قبل؟