3 صخور غريبة بيدعموا نظرية عن كون الفينيقيين أول ناس سافروا عأميركا قبل كولومبوس والفايكنج.
وبحسب مقالة نشرتا Winnipeg Free Press بـ1975، لاقوا هالصخور بـEastern Townships بكندا وبيثيتوا انو الفينيقيين سافروا عبر المحيط الأطلسي ووصلوا عأميركا الشمالية من 2,500 سنة.
وبحسب عالم الآثار، البروفيسور توماس لي، من جامعة لافال الكلام المحفور على الصخور بيثبت انو “زاروا مسافرين من أفيرقيا الشمالية أميركا من 500 سنة قبل المسيح”.
وبدلّ البروفيسور لي على إنّو سكان أفريقيا الشمالية بوقتا كانوا من قرطاج القديمة، مستعمرة فينيقييّة من صور كانت مسيطرة على غرب البحر المتوسط لسنين.
وبأكّد البروفيسور إنو النص المحفور على الصخرة كان مكتوب بالمصري وبالخطّ الليبي. وكان البروفيسور يشتغل مع المتحف الوطني الكندي وقال : “بالنسبة إلي، كانوا الليبيين عم يشتغلوا بعيد من قرطاج لي كانت مدينة فينيقيية بوقتا”.
ومكتوب على وحدة من هالصخور: “رحلة بقيادة القائد حيرام لغزوا الاراضي”. ونوجدت حد واحدة تانية مكتوب عليها: “تسجيل من هاتا، وصل على حدود النهر ورسا الباخرة وحفر على هالصخرة”.
وكان حيرام ملك صور الفينيقي وحكم بين 969 و936 قبل الميلاد بحسب موسوعة بيرتانيكا.
ونوجدة الصخرة التالة بغير محل، ومكتوب عليها: “حانون، ابن تامو، وصل عهيدا الجبل”.
وبما انو “حانون” كان اسم قرطاجي مشهور، فمعقول يكون حانون القرطاجي نفسو لنشهر بالقرن الخامس قبل الميلاد.
هالصخور معروضين حاليا بمتحف Seminary of Sherbrooke في كيبك.
*استعملت هذه الصورة لغرض تصويري.
