قدمّت المغنية والممثلة الفرنسية الإيطاليّة، داليدا، غنيّة رائعة هديتها للبنان المنكوب بالحرب. بس ما صدرت هيدي الغنيّة خلال حياتها وما سمعت ثمار تعبها.
خلئت يولوندا كريستينا جيجليوتي بـ1933 بمصر لأهل إيطاليّة وتبنت إسم المسرح داليدا وقتا كانت بأوائل العشرينات.
من بعد ما ربحت مسابقة ملكة جمال مصر سنة 1954، بلشت مسيرتها المهنيّة بالغنى الناجحة وباعت 170 مليون ألبومات حول العالم.
زارت الأسطورة لبنان أكثر من مرّة لتحيي حفلات كتيرة. بسنة 1975، أشهر قبل ما تبلش الحرب الأهليّة اللبنانيّة، غنت قدّام المغنيّة اللبنايية فيروز بمسرح البيكاديللي بالحمرا، بيروت.
كانت فيروز قاعدة بالصفوف الأماميّة خلال حفلة داليدا ونقال إنو زقفتلها بحماس وبقوّة. والتقوا بالكواليس وكانت كل وحدة معجبي بالتانية.
خلال سنة 1986، وبفترة هدوء بالرغم من الحرب الأهليّة اللبنانيّة، سجلّت غنيّة قدمتها للبنان المنكوب بالحرب على أمل إنو يرجع السلام للشعب اللبناني.
بس وقتا رجعت إشتعلت نار الحرب، وما قدرت طلّع الغنيّة. سمع الجمهور الغنيّة سنين من بعد الحرب بس كان تأخر الوقت وتوفّت داليدا.
بـ1987، قتلت حالها بعد ما أخدت جرعة زايدة من المنوّم. تركت ملاحظة بتقول “سامحوني، الحياة ما عادت تنحمل”. كان عمرمها 54 سنة.
حتّى لو ما قدرت تغنّيها قدّام الجمهور، صدرت غنيّتها “Lebnane” بعد موتها وفينا نسمع حبّها للبنان بصوتها.
حتّى غنتها باللبناني كتقدير للشعب لكان عم بعاني بسبب مآسي الحرب.
الغنيّة من كلمات الشاعر اللبناني عبد الحافظ شماس ومن تلحين المغني والكاتب الفرنسي جيف بارنيل.
كانت الغنيّة جزء من البومها لصدر سنة 1999 بعنوان “Escales Autour du Monde”.
اسمعوا غنيّة ‘Lebnane’ بالفيديو التالي.
