اذا بتزوروا الضيع الجبليّة بلبنان، رح تلاقوا السكّان بعدن متمسكين بالعادات والمماراسات القديمة ومحافظين على ميراث البلد.
هالتقاليد بتذكرنا بتاريخ لبنان وبتدّل على مقاومة جدودنا وتمسّكن بثقافتنا اللي ورتوها من جيل لجيل.
الكبّة النيّة
قصّة الكبّة النيّة بترجع للقرن الـ13، لمّا اجتاحوا المماليك لبنان، وبتدّل على غريزة العيش عند اللبنانييّه.
تيبعدوا عن الخطر، اضطروا ياكلوا لحمة نيّة مخلوطة مع البرغل كرمال ما حدا يكتشف موقعن من ورا الدخنة اللي بتطلع من نار الشوي والطبخ.
منجتمع اليوم على المشاوي مش بس لأن من حبّ الأكل بس لنحتفل كمان بالحريّة والاتحاد ولنكرّم جدودنا لمرقوا بأوقات صعبة.
تحضير الكشك ببشعله
بتكرّم ضيعة بشعله تقليد الكشك المعمول من برغل ولبن. بيجتمعوا أهل الضيعة كل سنة ليشاركوا بمهرجان الكشك وين بيطحنوا قمح وبصفوا عشكل طابات ليرجعوا ينشفوا تحت الشمس ويتمونوا منه للشتويّة.
ملّاحات أنفه
بتوقع ضيعة أنفه على الساحل اللبناني وبتشتهر لصناعة الملح اللي عمرها 300 سنة. فبتمرق مايّ البحر بقنوات لتوصل على برك مسطّحة وين بتتبخّر خلال الصيفيّة. وبمجارف خشبيّة، بجمعوا الملح اللي طلع من الماي.
مصانع النبيد اللبنانيّية
شاتو كسارة، زحلة
بتعتبر زحلة مركز النبيد بلبنان حيث حافظت المنطقة على الطرق التقليديّة لصناعة النبيد. بتمتدّ كروم العنب على ممتلاكات خاصّة وبتنتج من أفض النبيد والعرق اللبناني.
شاتو كسارة من أقدم مصانع نبيد بلبنان حيث تأسس سنة 1857 وبعدو محافظ على التقنيات القديمة لصناعة النبيد لهلأ. بقدّم هيدا المصنع نبيد ميثالي بذكركن بالماضي وبشجعكن تكتشفوا الميراث والثقافة اللبنانيّة.
شاتو موزار، غزير
أسس غاستون هوشار شاتو موزار سنة 1930 وصارت من أهمّ مصانع النبيد بلبنان. وانشهر المصنع عالميّاً من ورا الأسالي التقليديّة والفريدة من نوعها اللي بيتسعملها لصناعة النبيد بالإضافة إلى قدرته إن يصنّع نبيد بيعتق بشكل ميثالي.
Domaine des Tourelles، البقاع
بيعتبر Domaine des Tourelles واحد من أقدم مصانع النبيد بلبنان حيث تأسس سنة 1868. طول عمره مشهور بصناعة النبيد التقليدي وبركّز على تشكيلة عنب أصلي وتقنيّات تقليديّة.
نحت الحجر ببيت شباب
معروفة الضيعة الجبليّة، بيت شباب، بنحت الحجر لتورّت من جيل لجيل ونحت أهّم المعالم بتاريخ لبنان. فينا نسمع لهلأ صدا المناحت اللي طالعة من محلّات النحاتين هنّي وعم يشتغلوا على الجحر. وبتنشهر كمان بصناعة الطين والتقنيّات اللي بتستعملها.
خبز التنور براشيا الفخار
بعدا محافظة ضيعة راشيا الفخار على تقليد تحضير خبز التنور. فبيعجنوا أهل الضيعة العجينة وبخبزوها على حيطان فرن التنور فبتفحّ ريحة الخبز الطيّب اللي بحبّه الكلّ.
رقصة السيف بدير القمر
بيرجع بعيّش مهرجان رقصة السيف بدير القمر تقاليد عمرها ميّات السنين. فبيرقصوا الناس حاملين سيوف بطريقة متناغمة ليحيوا ذكرة انتصار تاريخي جمع بين أهل الضيعة.
صناعة الصابون
خان الصابون، طرابلس
بيوقع خان الصابون بقلب شارع طرابلس القديم. بعدو هيدا المحلّ بيعمل صابون تقليدي بكلّ فاخر من وقت ما تأسس بـ1480.
فبيثبت خان الصابون التعلّق بالميراث الثقافي بلبنان.
متحف الصابون، صيدا
معروفة كمان مدينة صيدا بصناعة الصبون. هدف متحف الصابون بصيدا إنو يحافظ على تاريخ صناعة الصابون وتقانيّتها بالمنطقة. وتأسس متحف الصابون بصيدا سنة 2000 وبيعرض اليوم طرق صناعة الصابون بالمنطقة.
بهيدا العرض، بعلموا مختلف مراحل لصناعة الصابون، ابتداءاً بالمواد الأوّليّة للمنتج النهائي، بالإضافي إلى المعنى الثقافي للصابون بالمجتمع اللبناني.
مصنع الصابون، عكّار
بيوقع مصنع الصابون بعكّار، منطقة بشمال لبنان، وصرلوا سنين عم يعمل صابون بلدي من خلال زيت الزيتون والتقانيّات التقليديّة. فهيدا مثل عن كيف صناعة الصابون بتلعب دور كبير بالمجتماعة الريفيّة اللبنانيّة.
فهيدي العادات والتقاليد بتذكرنا إن روح لبنان بتنبع من ضيعه وين بلّش تاريخ البلد وبعدو محافظ علي. وفيما عم تطّور هيدي التقاليد، عم تنمى علاقة بين لبنان الحديث وتاريخه العميق.
اطلعوا كمان: 15+ صور بتحنّن للبنان القديم
