وصلتنا رسائل بتطلب توضيح عن الفيديو اللي نشرته القوات الإسرائيلية (IDF) اللي بيظهروا فيه عم بيرفعوا علم إسرائيلي بمارون الراس.
للتذكير، في حظر إعلامي كامل مفروض من حزب الله بجنوب لبنان بيمنع الإعلام اللبناني من تغطية الأحداث هناك – بالاستثناء لوسيلتين إعلاميتين تابعين لهم. حالياً، القوات الإسرائيلية (IDF) وحزب الله بسيطروا بالكامل على المعلومات هناك. منذكر هالشي دائمًا لأنه هلأمر مهم لفهم سياق الأخبار وبيسمح لهم بالتحكم بالسردية اللي بدهم إياها.
ما كان بدنا نعطي الفيديوهات أهمية زيادة بعد، بس رح نفسرلكم كيف تأكدنا من صحة الفيديو من خلال التحقق المتقاطع.
ادعاءات:
المراسلين والوسائل الإعلامية المؤيدة لحزب الله، بالإضافة لمستخدمي وسائل التواصل الاجتماعي، عم يدفعوا بعدة ادعاءات:
- نفي إنه اللي صار كان على الأراضي اللبنانية
- الادعاء إنه صار على الخط الأزرق مباشرةً
- نفي إنه صار هالأمر بمارون الراس، بل كان بمنطقة خارجها (وكأنه خارجها مش كمان أراضي لبنانية)
- صار الأمر بمحل قريب من موقع قوات اليونيفيل
الحقيقة:
الفيديو تم تصويره بما يُسمى حديقة إيران – موقع جذب دعائي لإيران وحزب الله. أجرى رئيس بلدية مارون الراس السابق مقابلة من قبل وأعرب فيها عن فخره بالحديقة، وذكر كيف إنها نقطة جذب للزوار وبتعطي روح المجتمع للبلدة.
كان مزيّن الموقع بلوحات إعلانية لآية الله روح الله الخميني والمرشد الأعلى الحالي علي خامنئي، بالإضافة إلى مجسم كبير للجنرال الإيراني الراحل قاسم سليماني وهو يشير بإصبعه نحو إسرائيل.
كانت الحديقة هدية من النظام الإيراني في عام 2010 “لبلدة مارون الراس الحدودية.”
بالحديقة، اللي عندها إطلالة على مستوطنة إسرائيلية، بتلاقوا نسخة من قبة الصخرة في القدس، ومكان لتجمع العائلات، ومسار للعبة كرة الطلاء. زار الرئيس الإيراني السابق أحمدي نجاد الموقع. وفي 2006، كان هالمكان ساحة معركة لمواجهات عنيفة بين حزب الله والجيش الإسرائيلي.
هول صور من قبل:
هالموقع تعرض لهجوم بأول الحرب بين إسرائيل وحزب الله، وغطينا هالخبر بتاريخ 23 تشرين الأول 2023. ومن وقتها ومتل ما مبين بالفيديو، معظم الموقع تحول لأنقاض.
الفيديو اللي بيظهر رفع العلم الإسرائيلي تم نشره على قناة الأخبار الرئيسية تبعنا على واتساب.
لما الجندي يحرك الكاميرا، بتشوفوا بوضوح بقايا الحديقة، اللي صارت أنقاض.
استخدمنا برنامج لتفريغ الكلام اللي قالوه الجنود بالفيديو وترجمناه للإنجليزية. الجندي الإسرائيلي عم يقول “المجمع الإيراني (أو الممشى) أمام أفيفيم.”
أفيفيم هي مستوطنة بإسرائيل على الخط الأزرق للأمم المتحدة، وبتبين على الخريطة هون:
حديقة إيران بتبعد 700 متر عن الحدود وعن الخط الأزرق للأمم المتحدة اللي انرسم عام 2000:
أقرب بيت بمارون الراس بيبعد حوالي 160 متر عن حديقة إيران، مثل ما مبين بالخريطة:
وهون على صورة الأقمار الصناعية:
صورة للوضع الحالي لنسخة المسجد اللي تم نشرها على الإنترنت من 3 ساعات:
واللي موقعه هون:
واللي بيبين بالخلفية بالفيديو بالثانية 0:11:
هيدا بساعد لتحديد مكان العلم تقريبًا ضمن هالدائرة الزرقا:
يلي بيتطابق مع الخطوات اللي مبينة بالصورة:
والادعاء إنه هيدا على الحدود كمان غلط. أعلى نقطة بالبلدة هي 911 متر فوق سطح البحر وحديقة إيران موجودة على حوالي 880 متر – مقارنة بخط الأزرق اللي بيكون حوالي 200 متر لتحت:
الادعاء إنه هو قريب من موقع اليونيفيل (Unp 6-52) كمان غلط. غير فرق الارتفاع اللي هو أكتر من 150 متر بين الاثنين، المسافة بالسيارة هي 3.2 كم وبتاخد 8 دقايق – لازم تسوق لوسط البلدة قبل ما تقدر توصل لحديقة إيران:
بالإضافة، والأهم، أصدر حزب الله بيان حوالي الساعة 8 مساءً بيقول فيه إنه هاجم تجمع لجنود إسرائيليين بمنطقة مارون الراس بصاروخ – مما بيأكد وجود الجيش الإسرائيلي في مارون الراس.
إذا في أي شك بهالموضوع، ارفعوا الحظر الإعلامي بالجنوب وخلو الإعلام يدخل ليتأكد بنفسه.
